Женна Ортега шинэ киноныхоо нээлтэд оролцов

Жүжигчин Женна Ортега гол дүрд нь тоглосон Klara and the Sun кино Лондоны олон улсын кино наадамд нээлтээ хийж, улмаар Ромын кино наадмын үеэр танилцуулагджээ.

Шинэ Зеландын найруулагч Тайка Вайтитигийн найруулсан уг бүтээл Нобелийн шагналт зохиолч Казүо Ишигүрогийн 2021 онд хэвлүүлсэн ижил нэрт романаас сэдэвлэсэн байна. Ортега ганцаардлаас сэргийлэх зориулалттай, хүний сэтгэл хөдлөлийг ойлгохыг хичээдэг андроид Кларагийн дүр бүтээжээ. Кинонд хиймэл оюун, хүн чанар, гэр бүлийн хагацал болон хүмүүсийн хоорондын холбоог хөндсөн байна.